Bildergalerie | Gallaria da purtrets Gita Soglio 2013

Üna guerra d’ova a Soglio
Spassageda da prümavaira 2013

Als 17 gün 2013 sun ils magisters ieus culs scolars dal s-chelin ot sün üna spassageda da prümavaira. A las 7.30 haun ils magisters  controllo, scha’ls scolars d’eiran già  tuots tar la posta. Secundas pü tard essans alura partieus cul auto da posta. Co vains udieu musica, discurrieu, chanto u eir fat fotos. Circa trais quarts d’ura vains druvo fin a Casaccia. Cur cha’l bus es rivo a Casaccia, essans alura chaminos inavaunt fin a Roticcio. Fin co nu d’eira il viedi auncha uschè stip. Ün pêr udind musica, oters discurrind, chaminaivans tuots. A Roticcio vains fat üna pitschna posa.

Ma que nu d’eira temp avuonda per manger ün paun, perque vains be bavieu qualchosa. Da co inavaunt cumanzaiva il traget ad esser ün pô pü difficil. Il prossem lö d’eira Durbegia. In quist traget pigliaivan bod tuots our üna butiglia da baiver. Co d’eira il sullagl già  fich ferm.

Pü tard vains alura fat la posa granda, la posa da mezdi. Lo vaivans avuonda sumbriva per manger in pos. Alura essans ieus inavaunt fin a Soglio. Lo nu rivaivi pü pervi dal sulagl. Alura d’he trat our il t-shirt, ed am d’he rinfras-cho cun ova fraida. Quist viedi d’eira fich difficil, perche cha nus giaivains ingiಠe que d’eira plain craps. Janick es sto sün üna serp, e plain temma haun Janick e Ruben sbragieu. A Soglio vains fat üna granda posa. Lo vains fat üna guerra d’ova.

Laila d’eira quella chi a la fin d’eira la pü bletscha, ella es crudeda duos voutas aint ill’ova. Üna pezza pü tard sun ils magisters rivos, ed essans ieus inavaunt fin tar l’ultima fermeda, Promontogno. Lo vains alura spetto sül bus. A las 16.00 d’eirans darcho a Puntraschigna. Leonardo 1. sec.